2026 жылғы 7–20 шілде аралығында GDP/GPP қағидалары бойынша біліктілікті арттыру циклі өтеді

С.Ж. Асфендияров атындағы Қазақ ұлттық медицина университеті фармацевтикалық жоғары және орта арнаулы білімі бар мамандарды, дәрілік заттар айналысы саласының қызметкерлерін, сондай-ақ жоғары оқу орындары мен колледждердің профессор-оқытушылар құрамын «Дәрілік заттардың сапасын қамтамасыз ету жүйесі және оның негізгі құрамдас бөліктері. GDP/GPP қағидалары» тақырыбындағы біліктілікті арттыру цикліне қатысуға шақырады.

Бағдарлама мамандарда дәрілік заттардың айналысының барлық кезеңдерінде олардың сапасын қамтамасыз ету саласында жүйелі білім мен практикалық дағдыларды қалыптастыруға бағытталған. Оқу барысында фармацевтикалық салада сапа жүйесін ұйымдастырудың заманауи тәсілдері, GDP және GPP тиісті практикаларының талаптары, сондай-ақ Қазақстан Республикасында дәрілік заттар айналысын реттеудің нормативтік-құқықтық аспектілері қарастырылады.

Оқу барысында келесі мәселелер қарастырылады:

• дәрілік заттардың сапасын қамтамасыз ету жүйесі;
• GDP және GPP тиісті практикаларының негізгі қағидаттары мен талаптары;
• дәрілік препараттарды сақтау, тасымалдау және өткізу талаптары;
• процестерді құжаттандыру және сапа жүйесінің ішкі аудиті.

Лекторлар

• Сакипова Зуриядда Бектемировна – фармацевтика ғылымдарының докторы, профессор, С.Ж. Асфендияров атындағы Қазақ ұлттық медицина университеті Фармация мектебінің деканы (Алматы, Қазақстан).
• Дурманова Марина Ивановна – «Қазақстан Республикасының фармацевтикалық қызметін қолдау және дамыту қауымдастығы» заңды тұлғалар бірлестігі Президенті (Алматы, Қазақстан).
• Омырзаков Манас Токтасынович – PhD, «GxP Company» ЖШС сапа жөніндегі директоры.
• Мухамеджанова Айгерим Нурлановна – «Фармация» мамандығы бойынша медицина ғылымдарының магистрі, ОЛК дәріханасының меңгерушісі.

Курс туралы негізгі ақпарат:

Өткізу мерзімі: 2026 жылғы 7–20 шілде.
Оқыту форматы: онлайн / офлайн.
Ұзақтығы: 120 академиялық сағат / 4 кредит.

Байланыс ақпараты:

Фармация мектебі тарапынан жауапты тұлға – Рахимова Наргиз Ахметжановна, фармакогнозия кафедрасының ассистенті, тел.: +7 747 4650915.

С.Ж. Асфендияров атындағы ҚазҰМУ Қосымша және кәсіби білім беру институты, тел.: +7 727 338 70 52.